食評:sophiawong0127

芝士薯餅&大傘菇溫泉蛋咖哩飯 草根姊妹一家真係成日去飯意,貪佢食物岩口味之餘,價錢唔算貴又大大份,一定食得飽草根爸爸😂✌🏻。

今次知道出左新餐點又去食,其實佢d食物一款食物會有好多配搭,所以由此又變化出好多選擇🙈🤣真係緊有一款中你心水😆

厚切牛柳粒&菠蘿蟹子咖哩芝士鐵板飯 ($78)
草根一家見到飯意又有新野「Hawaii夏威夷風情鐵板飯」🏝,見人少少未有好多人知就入去試下。其實有好多配料可以揀,有雞、牛、海鮮等等……不過牛肉狂迷嘅草根爸爸同妹妹想試下厚切牛柳粒係點厚切法🔪,所以就揀左牛🐂。

嚟到見到真係冇呢呃人,鐵板飯上面真係有大約6大嚿厚厚嘅牛柳粒🍖😍,牛肉醃過夠入味,口感軟腍,又唔會乾~😋同之前一樣熱辣辣嘅鐵板熱力令芝士溶化,仲可以瘋狂拉絲添🧀,拌好所有材料後,可以食到啖啖都有蟹籽,增加咬口, 口感好豐富啊👅。其實同之前d芝士飯好似,不過今次配料多左菠蘿🍍同牛🐮。味道草根仍然覺得係好正🤘🏻✌🏻,不過,咖哩味唔係好出,如果可以辣少少就更好了。

 芝士薯餅&大傘菇溫泉蛋咖哩飯 ($60)
Curry Rice With Grilled Jumbo Mushroom, Soft Boiled Egg, Cheese Hash Brown


嘩!🧀芝士多到好似熔岩 咁流哂落尼呀🌋😱😱睇到都流哂口水啦🤤~~~賣相就夠哂吸引,等草根話你知味道如何☝🏻

大傘菇上面放左一粒好動L嘅溫泉蛋,切開仲好流心添!! 蛋汁令成個飯嘅口感更滑溜。大傘菇好新鮮🍄下面其實仲隱藏左一塊薯餅❤️係不得了嘅組合😍😍不過可能有大量咖哩汁,所以薯餅沾濕左唔脆。最底係咖哩飯🍛咖哩味唔夠出比較淡,不過成個飯夠睇頭得嚟又大份,味道加埋一齊都唔錯!😝

蒲燒珍寶鰻魚蛋包飯配照燒汁 ($88)
Omelet Rice with Grilled Giant Eel


草根👧🏻👩🏻見到店內張poster話珍寶鰻魚有成25cm長,好吸引😍,所以諗都冇諗就決定要叫佢!!!!
鰻魚呢到真係好長,望落又夠哂肥美🤤食落真係唔錯,唔會燒到好乾身,依然保持到鰻魚應有嘅油潤,鰻魚汁甜甜,呢點做得不錯。另一方面要講下蛋包飯,個蛋超級超級滑,直頭係嫩到無朋友呀~

綜合水果茶 ($33) 跟餐+20
Mixed Fruit Tea
有睇開草根post嘅朋友仔就會知,草根妹妹👧🏻去到邊都會試下個到嘅水果茶✌🏻,呢個水果茶夠哂甜,仲有好多新鮮水果🍎🍇🍋🍐,飲完令草根心情即刻靚哂,簡單而幸福的味道❤️

椰汁紫米冰 ($21) 跟餐+9
Coconut Milk with Glutinous
完全就同平日飲嘅紫米椰汁糖水一樣味道,既是飲品,又是糖水😂

飯意又再一次冇令我地失望,芝士飯不斷有新配搭,真係搞到我地次次去都要叫嚟食呢!